_1704867435.jpeg)
मोरङ: होटलमा खाजा खान आएका ग्राहकलाई कुटपिट गर्दा मृत्यु भएपछि मोरङको उर्लाबारी ७ स्थित एक होटलका सञ्चालक पक्राउ परेका छन् ।
पक्राउ पर्नेमा होटल सञ्चालक २६ बर्षीय गोपाल तामाङ रहेका छन् । उनले ३५ बर्षीय सुशिल मल्लिकलाई होटलमा कुटपिट गरेका थिए । घाइते मल्लिकको उपचारको क्रममा मृत्यु भएको छ । जिल्ला प्रहरी कार्यालय मोरङका अनुसार गत आईतबार मृतक मल्लिक होटलमा खाजा खान गएका थिए । त्यसक्रममा होटल सञ्चालक गोपालसँग उनको विवाद भएको थियो ।
\सञ्चालक गोपालले एक्कासी उनलाई कुटपिट गरी होटल बाहिर निकाल्न खोज्दा मल्लिक भुईमा लडेर वेहोस भएका थिए । वेहोस भएका मल्लिकलाई स्थानीय अस्पतालमा उपचार गर्न लगिए पनि सुधार नभएपछि भारतको सिलिगुडीमा लगिएको थियो । उनको उपचारकै क्रममा आज बिहान साढे ४ बजे मृत्यु भएको प्रहरीले जनाएको छ । कुटपिट गर्ने होटल संचालक तामाङलाई पक्राउ गरी कानुनी कारबाही अगाडी बढाईएको जिल्ला प्रहरी कार्यालयले जनाएको छ ।
