झापा: झापाको बिर्तामोडस्थित सैनिक मोडबाट ब्राउनसुगरसहित २ जना पक्राउ परेका छन् ।

पक्राउ पर्नेमा झापा कचनकवलका २२ बर्षीय सुदम राजवंशी र ३९ बर्षीय नर बहादुर राजवंशी रहेका छन् । उनीहरुलाई हिजो साँझ साढे ६ बजे विशेष सुराकको आधारमा नियन्त्रणमा लिएको जिल्ला प्रहरी कार्यालय झापाले जनाएको छ । उनीहरुको साथबाट प्लाष्टिकमा पोको पारेर राखिएको अवस्थामा १३ ग्राम ब्राउनसुगर पनि बरामद भएको प्रहरीले जनाएको छ । यसबाहेक उनीहरुको साथबाट नगद ९ हजार रुपैंयासमेत फेला परेको छ । पक्राउ परेका दुबै जनालाई ईलाका प्रहरी कार्यालय अनारमनीबाट थप अनुसन्धान एवं कानुनी कारबाही अघि बढाइएको प्रहरीले जनाएको छ ।