सुनसरी: मोटरसाइकल दुर्घटनामा सुनसरी हरिनगरा ४ का ३५ बर्षीय दिनेश मण्डलको मृत्यु भएको छ ।

गएराती उनले चलाएको को १६ प ४७९४ नम्बरको मोटरसाईकल अनियन्त्रित भएर हरिनगरास्थित रोडमा रहेको बिजुलीको पोलमा ठक्कर खाएको थियो । पोलमा ठक्कर खाई नजिकै रहेको नहरमा मोटरसाईकल खसेको थियो भने सोही मोटरसाईकले किचेर मण्डलको मृत्यु भएको हो । घटनाबारे आज मात्र आफन्तजनले प्रहरीमा खबर गरेका थिए । घटनाबारे आवश्यक कारबाही भइरहेको जिल्ला प्रहरी कार्यालय सुनसरीले जनाएको छ ।