खोटाङ: खोटाङ केपिलासगढी २ कुदुङका ६० बर्षीया ठकुरी राई मृत अवस्थामा फेला परेकी छिन् ।

हिजो अपरान्ह ५ बजे घरबाटै हराएका थिए । उनी वेपत्ता भएपछि आफन्तले प्रचौ खार्ताम्छामा खबर गरेका थिए । आफन्तसहित खोजी गर्न खटिएको प्रहरी टोलीले आज बिहान ८ बजे उनकै घरदेखी करिव १२ सय मिटरमा रहेको तापखोलाको बगरमा ठकुरीलाई मृत अवस्थामा फेला पारिएको जिल्ला प्रहरी कार्यालय खोटाङले जनाएको छ । उनको शव बगरको ढुङगामा अड्किएको अवस्थामा रहेको र घटना सम्बन्धमा कानुनी कारबाही अगाडी बढाईएको उक्त कार्यालयले जनाएको छ ।