सुनसरी: धरान १ पुरानो बजारबाट दुई जना लागुऔषधसहित पक्राउ परेका छन् ।

पक्राउ पर्नेमा २३ बर्षीय गणेश राउत र ४३ बर्षीय निरज भट्टराई रहेका छन् । विशेष सुराकका आधारमा हिजो राती पौने ९ बजे ईलाका प्रहरी कार्यालय धरानबाट खटिएको प्रहरी टोलीले उनीहरुलाई कोठाबाटै नियन्त्रणमा लिएको हो ।

उनीहरुको कोठामा खानतलासी गर्दा लुकाएर राखेको २० बोतल डाइलेक्स डिसी, ३०६ क्याप्सुल स्पामो टोक्सिभन, ४ क्याप्सुल नाईट्रोजन र नगद ९७ हजार रुपैयासमेत फेला परेको प्रहरीले जनाएको छ। पक्राउ परेका दुबै जना सोही स्थानमा कोठा भाँडा लिएर बस्दै आएको खुलेको छ । उनीहरुबारे थप अनुसन्धान तथा कानुनी कारबाही अगाडी बढाईएको छ ।