_1704867435.jpeg)
धरान: धरानमा आज थप ३५ जना कोरोना संक्रमित थपिएका छन् ।
वीपी कोइराला स्वास्थ्य विज्ञान प्रतिष्ठानको ल्याबमा गरिएको परिक्षण अनुसार थप ३५ जनामा कोरोना संक्रमण पुष्टि भएको रिपोर्ट आएको हो । ती मध्ये धरान १८ ठेगाना भएका १५ जना छन् । उनीहरु अधिकांश वीपी कोइराला स्वास्थ्य विज्ञान प्रतिष्ठानमा कार्यरत भएको अनुमान छ । धरानका स्वास्थ्य महशाखा प्रमुख उमेश मेहता संक्रमण पुष्टि भएकाहरुको यथार्थ विवरण संकलन गर्न बाँकी रहेको जानकारी दिए ।
यस्तै, धरान वडा नं १२ ठेगाना भएका ६ जनालाई संक्रमण पुष्टि भएको छ भने धरान ९ ठेगाना भएका २ जना छन् । यसैगरि, वडा नं १०, १५, १३, ८, ११, १४, १९ र २ का पनि एक एक जनाको रिपोर्ट पोजेटिभ आएको छ । साथै, धरान ठेगाना भएपनि वडा नखुलेका ४ जनामा पनि संक्रमण पुष्टि भएको छ ।
