झापा: झापाको दमक ९ स्थित दिपज्योती उराउ टोलबाट एक महिला ब्राउन सुगरसहित पक्राउ परेकी छिन् ।

स्थानीय ३० बर्षीया रुपा चौधरी भण्डारीलाई प्रहरीले आज बिहान ११ बजे ब्राउन सुगरसहित पक्राउ गरेको हो । ईलाका प्रहरी कार्यालय दमकको टोलीले रुपालाई उनकै घरबाट पक्राउ गरेको हो । घरबाट ब्राउन सुगरको किनबेच गर्ने गरेको विशेष सुराकको आधारमा प्रहरीले उनको घरमा खानतलासी गरेको थियो ।

खानतलासी गर्ने क्रममा पलङ मुनि लुकाई राखेको छुट्टाछुटै ५ वटा प्लाष्टिकको पोका बनाएको ३५ ग्राम ब्राउन सुगर र नगद ७४ हजार ६ सय १५ रुपैया समेत बरामद गरिएको जिल्ला प्रहरी कार्यालय झापाले जनाएको छ । पक्राउ परेकी रुपालाई ईलाका प्रहरी कार्यालय दमकले थप अनुसन्धान तथा कानुनी कारबाही अगाडी बढाईएको छ ।