_1704867435.jpeg)
धरान: धरान १५ स्थित त्रिवेणी मार्गमा स्कुटर र मिनि ट्याक्टर ठोक्किदा एक जनाको मृत्यु भएको छ ।
मृत्यु हुने धरान १४ दन्तकाली स्कुल केही मुनि पिण्डेश्वर पथका २५ बर्षीय गोकुल तामांग रहेका छन् । उनी स्कुटरको पछाडि सवार रहेको र उपचारको क्रममा लैजादै गर्दा बाटोमा नै निधन भएको इलाका प्रहरी कार्यालय धरानका प्रहरी निरीक्षक हेमराज ओलीले जानकारी दिए । उनका अनुसार स्कुटर चालक र ट्याक्टर चालकलाई अनुसन्धानको लागि नियन्त्रणमा लिइएको छ ।
प्रहरीका अनुसार आज बिहान १० बजेर १० मिनेटमा को १ च ८८०१ नम्बरको मिनी ट्याकटर र को ३० प १२९६ नम्बरको स्कुटर ठोक्किएको हो । मृतक तामांग स्कुटरको पछाडि सवार थिए । प्रहरीका अनुसार ट्याक्टर र स्कुटर एकै दिशातर्फ गइरहेको बेला दुर्घटना भएको हो । धरान १५ स्थित अस्थायी प्रहरी चौकीका एक प्रहरीका अनुसार स्कुटर ट्याक्टरको पछि पछि गुडिरहेको थियो । अगाडिको ट्याक्टर मोडिन खोज्दा पछाडिको स्कुटर ठोक्किएर दुर्घटना भएको ती प्रहरीको भनाई छ ।
