_1704867435.jpeg)
उदयपुर: उदयपुरको कटारी ८ स्थित सिद्धिचरण राजमार्गको दमारको भिर भन्ने स्थानमा एक कन्टेनर खस्दा दुई जनाको मृत्यु भएको छ ।
घटना हिजो बुधबार अपरान्ह ५ बजे तिरको हो । ना ५ ख ९४२४ नम्बरको कन्टेनर अनियन्त्रित भई ७ सय मिटर तल खसेर दुर्घटनाग्रस्त भएको थियो । उक्त दुर्घटनामा कन्टेनर भित्र रहेका दुई जानको मृत्यु भएको छ भने थप दुई जना घाइते भएको प्रहरीले जनाएको छ ।
मृत्यु हुनेमा कटारीका ४५ बर्षीय मिन बहादुर मगर छन् । अर्का मृतकको राकेश कुमार यादवको ठेगाना भने खुल्न सकेको छैन । दुवैको घटनास्थलमै मृत्यु भएको जिल्ला प्रहरी कार्यालय उदयपुरले जनाएको छ । यसै गरी कन्टेनरका चालक झापा दमकका योगेन्द्र दाहाल र सह चालक सुनसरी बराहका विजय भुजेल घाईते भएका छन् । घाईते उनीहरुको नोबेल अस्पताल बिराटनगरमा उपचार भईरहेको प्रहरीले जनाएको छ ।
