मोरङ: मोरङ कानेपोखरी ४ त्रिबेणी चोकका ३३ बर्षीय रेशम माझीको खोलामा डुबेर मृत्यु भएको छ ।

हिजो राती साढे १० बजे करिया खोलामा माझीको डुबेर मृत्यु भएको हो । खोलामा उनलाई डुबेको अवस्थामा आफन्त र स्थानीयहरुले देखेका थिए । तत्काल उनीहरुले प्रहरीलाई खबर गरेका थिए भने माझी बेहोस भएको अवस्थामा थिए । पानीमा डुबेर बेहोस भएका माझीको धरानस्थित वीपी कोइराला स्वास्थ्य विज्ञान प्रतिष्ठान धरानमा उपचारको क्रममा मध्यराती साढे १ बजे मृत्यु भएको जिल्ला प्रहरी कार्यालय मोरङले जनाएको छ ।