_1704867435.jpeg)
खोटाङ: खोटाङ दिक्तेल रुपाकोट मझुवागढी २ तालखर्कमा आफ्नै श्रीमतीको हत्या गरि फरार रहेका एक ब्याक्ती पक्राउ परेका छन ।
पक्राउ पर्नेमा ४० बर्षीय छत्र बहादुर गिरी रहेका छन् । गत शुक्रबार विहान ५ बजे गिरीले आफ्नै श्रीमती ४४ बर्षीया ज्ञान कुमारी गिरीको हत्या गरेका थिए । आफ्नै घरमा बसिरहेको अवस्थामा बिहान उनीहरुबीच घरायसी विषयमा सामान्य वादविवाद हुदा छत्रबहादुरले एक्कासी मसला पिस्ने लोहोरोले ज्ञान कुमारीलाई कन्चटमा प्रहार गर्दा उनी गम्भीर घाईते भएकी थिईन । घाईते ज्ञान कुमारीलाई थप उपचारको लागी काठमाण्डौ लैजादै गर्दा दिउसो सवा २ बजे उनको बाटोमै मृत्यु भएको थियो ।
श्रीमतीलाई लोहोरोले कन्चटमा प्रहार गरेर छत्रबहादुर भने फरार रहेका थिए । फरार रहेका उनलाई हिजो विहान खोटाङबाटै लुकेर बसेको अवस्थामा पक्राउ गरिएको जिल्ला प्रहरी कार्यालय खोटाङले जनाएको छ। उनलाई कर्तब्य ज्यान अन्तरगत मुद्दामा कानुनी कारबाही अगाडी बढाईएको उक्त कार्यालयले जनाएको छ ।
