धरान: हिजो राती धरानबाट हराएको मोटरसाइकल फेला पारेर प्रहरीले सम्बन्धित व्यक्ति(धनी)लाई बुझाएको छ ।

ईलाका प्रहरी कार्यालय धरानका अनुसार हिजो राती करिब ८ बजे धरान १३ बाट को २९ प १२७ नम्बरको पल्सर मोटरसाइकल हराएको थियो । मोटरसाइकल धनी रवि राईले प्रहरीमा निवेदन दिएपछि खोजी गर्दा धरान १६ मा वेवारिस अवस्थामा फेला परेको प्रहरीले जनाएको छ । हिजो राती नै फेला परेको उक्त मोटरसाइकल आज सवारी धनीलाई पहिचान सहित जिम्मा लगाएको इलाका प्रहरी कार्यालयले जनाएको छ ।