सुनसरी: सुनसरी भोक्राहा नरसिंह ३ का ४० बर्षीय चन्द्र नारायण साह लागुऔषधसहित पक्राउ परेका छन् ।

उनलाई आज विहान ७ बजे जिल्ला प्रहरी कार्यालय सुनसरीबाट खटिएको प्रहरी टोलीले नरसिंह ३ शिवगंज चौकबाट नियन्त्रणमा लिएको थियो । नियन्त्रणसंगै साहले बोकेको प्लाष्टिकको झोला चेकजाँच गर्दा लुकाएको अवस्थामा डाइलेक्स डिसि १०० एमएलको ३० बोतल बरामद गरिएको जिल्ला प्रहरी कार्यालय सुनसरीले जनाएको छ । पक्राउ परेका साहमाथि अनुसन्धान तथा कानुनी कारबाही अगाडी बढाईएको उक्त कार्यालयले जनाएको छ ।