_1704867435.jpeg)
धरान: धरानमा आज थप ७९ जना जना कोरोना संक्रमित थपिएका छन् ।
धरान १७ स्थित एन्फा क्वारेन्टिनस्थलमा शुक्रबार र शनिबार स्वाब संकलन गरिएकाहरुको बाँकी पिसिआर रिपोर्टमा ७९ जनाको पोजेटिभ आएको स्वास्थ्य महशाखा प्रमुख उमेश मेहताले जानकारी दिए । यसअघि हिजो साँझ पनि ९६ जनाको रिपोर्ट पोजेटिभ आएको थियो । हिजो आइतबार स्वाब संकलन गरिएको १८६ जनाको रिपोर्ट आज साँझ वा भोली बिहानसम्म आउने मेहताको भनाई छ ।
धरानमा कुल संक्रमितको संख्या योसँगै २ हजार नाघेको छ । कुल संक्रमित संख्या २ हजार ७ पुगेको पनि मेहताले जानकारी दिए । संक्रमितहरुमध्ये कति निको भइसके वा डिस्चार्ज भए भन्ने विवरण भने तयार हुन बाँकी रहेको छ । पछिल्लो समय संक्रमितहरु अधिकांश होम आइसोलेसनमा बसेको र उनीहरुको अद्यावधिक विवरण आज साँझसम्म तयार गर्ने गरि काम अघि बढाइएको पनि मेहताले बताए । धरानमा हालसम्म मृत्यु हुने संक्रमित व्यक्तिहरुको कुल संख्या ३२ पुगेको छ ।
