_1704867435.jpeg)
सुनसरी: विभिन्न समयमा हराएको वा चोरी भएको विभिन्न ब्राण्डका ३८ थान मोवाइल सेट प्रहरीमार्फत सम्बन्धित व्यक्तिले फिर्ता पाएका छन् ।
ईलाका प्रहरी कार्यालय ईटहरीले ३८ थान मोवाइल सेट फेला पारेर सम्बन्धीत धनीलाई बुझाएको हो । आफ्नो मोवाइल हराएको तथा चोरी भएको भनेर दिएको निवेदनको आधारमा खोजी गर्दा गत महिना देखी हालसम्म ३८ सेट फेला परेर सम्बन्धित धनीहरुलाई बुझाएको इलाका प्रहरी कार्यालय इटहरीले जनाएको छ ।
ती मोवाइलको मुल्य करिव १८ लाख ५५ हजार ८ सय बराबरको रहेको छ । ती मोवाइलहरु आज प्रहरीले बुझाएको हो । ईलाका प्रहरी कार्यालय ईटहरीले सिडिआर शाखा स्थापना गरेर हालसम्म बिभिन्न ब्राण्डका ३ सय ३४ थान मोवाईल सेटहरु फेला पारेर सम्बन्धीत धनिलाई बुझाई सकिएको उक्त कार्यालयले जनाएको छ ।
