_1704867435.jpeg)
धरान: हिजो राती धरान ३ पुरानो बजारस्थित भित्री सडकमा टेम्पो दुर्घटना हुँदा पाँच जना घाइते भएका छन् ।
इटहरीस्थित १ नम्बर प्रदेश ट्राफिक प्रहरी कार्यालयका अनुसार घाइतेहरुमध्ये एक जना गम्भीर घाइते भएका छन् भने ४ जनाको अवस्था सामान्य छ । राती ९ बजेर २० मिनेटमा अटो टेम्पो आफै अनियन्त्रित भएर दुर्घटना भएको ट्राफिक प्रहरीले जनाएको छ । दुर्घटना भएको टेम्पो को २ ह ६४३६ नम्बरको रहेको छ । घाइतेहरुलाई तल्काल उपचारको लागी वीप िकोइराला स्वास्थ्य विज्ञान प्रतिष्ठानमा लगिएको थियो भने दुर्घटनाग्रस्त टेम्पो वडा प्रहरी कार्यालयमा राखिएको छ ।
दुर्घटनामा टेम्पो चालक ईटहरी ३ का दाछिरिङ शेर्पाको दाहिने हातमा चोट लागेको छ भने इटहरी २ का ४० बर्षीया देवीमाया सार्कीको निधारमा चोट लागेको छ । यस्तै, ३९ बर्षीया उर्मीला खड्काको बाँया कन्चटमा चोट लागेको छ भने ८ बर्षीयाा समिक्षा खड्काको मुखमा चोट छ । यस्तै, ६ बर्षका ओस्कर खडकालाई दाहिने कन्चटमा चोट लागेको प्रहरीले जनाएको छ ।
