मोरङ: मोरङको बिराटनगर १६ दरैया एरियाबाट लागुऔषधसहित दुई जना पक्राउ परेका छन् ।

पक्राउ पर्नेमा विराटनगर १५ का ३१ बर्षीय शम्भु साह र ३० बर्षीय बिकी राई रहेका छन् । विशेष सुराकका आधारमा १ नम्बर प्रदेश प्रहरी कार्यालय विराटनगरको प्रहरी टोलीले उनीहरुलाई पक्राउ गरेको हो । दुवैको साथबाट ६२ बोतल डाईलेक्स डिसी, १८७ ट्याब्लेट नाईट्रोजन र २३८ ट्याब्लेट एसपी प्रोक्सिभन लागुऔषध वरामद भएको छ । उनीहरुलाई आज विहान सवा ४ बजे पक्राउ गरेको प्रदेश प्रहरी कार्यालयले जानकारी दिएको छ । पक्राउ परेका दुवै जनालाई जिल्ला प्रहरी कार्यालय मोरङबाट कानुनी कारबाही अगाडी बढाईएको छ ।