_1704867435.jpeg)
धरान: कर्मचारी र जनप्रतिनिधिको पुनः पिसिआर परिक्षण गर्दा पनि रिपोर्ट पोजेटिभ आएपछि धरान उपमहानगरपालिका ३ नम्बर वडा कार्यालय फेरि बन्द भएको छ ।
अत्यावश्यक काम मात्र गर्ने गरि आज बुधबारदेखि वडा कार्यालय बन्द गरिएको अध्यक्ष आशाकुमार श्रेष्ठले जानकारी दिए । ‘पुनः चेक गर्दा कोरोना पोजेटिभ नै आयो, त्यसैले कार्यालय बन्द गरिएको हो,’अध्यक्ष श्रेष्ठले क्लिक धरानसँग भने,‘अत्यावश्यक कामहरु छ भने गरिदिन्छौं, नत्र कार्यालयको सेवाहरु बन्द नै हुन्छ ।’
वडा कार्यालयले जारी गरेको सुचनामा कार्तिक ५, ६, १२, १३ र १४ गते कार्यालय बन्द रहने उल्लेख गरिएको छ । यसअघि पनि जनप्रतिनिधि र कर्मचारीहरुलाई संक्रमण देखि थालेपछि उपमहानगरपालिकाले नै नगर कार्यपालिका र वडा कार्यालयहरु एक सातालाई बन्द गरेको थियो ।
