_1704867435.jpeg)
धरान: धरानको दुई स्थानमा भएको दुर्घटनामा परि ४ जना घाइते भएका छन् ।
इटहरीस्थित प्रदेश ट्राफिक कार्यालयका अनुसार हिजो साँझ ७ बजे धरान १५ स्थित भित्री सडक खण्डमा टेम्पो र अनटेष्ट स्कुटी एकआपसमा ठोक्किदा एक जना घाइते भएका छन् । पश्चिमबाट आउदै गरेको प्र १००२ ह ८४२३ नम्बरको टेम्पु र बिपरित दिसाबाट आएको स्कुटी एक आपसमा ठोकिदा स्कुटी चालक बर्षका ३० का छामछुम राई सामान्य घाइते भएका छन् । उनको दाहिने हाथमा चोट लागेको छ भने स्कुटी पछाडी सवार २७ बर्षीया गायत्री राईको दुवै हातमा चोट लागेको प्रहरीले जनाएको छ । दुवैको बिजयपुर अस्पतालमा उपचार भई रहेको प्रहरीले जनाएको छ भने दुवै सवारी साधन र टेम्पु चालक इलाका प्रहरी कार्यालय धरानमा रहेका छन् ।
यस्तै, धरान ४ स्थित कोशी लोकमार्गमा भेडेटारबाट धरानतर्फ आउँदै गरेको को ३३ प ७३२६ नम्बरको मोटरसाइकललाई नम्बर अल्फाबेट नखुलेको सवारीले ठक्कर दिदा २ जना घाइते भएका छन् । ठक्कर दिने सवारी माईक्रो भएको हुनसक्ने प्रहरीको भनाई छ । दुर्घटनामा मोटरसाइकल चालक बिराटनगर १२ का २८ बर्षीय अतुल वसि र पछाडि सवार २६ बर्षीय सन्तोष कामत सामान्य घाईते भएका छन् । उनीहरुको बिराट नर्सिङ होम बिराटनगरमा उपचार भई रहेको छ भने ठक्कर दिने सवारी साधन फरार भएकोले खोजतलास भइरहेको पनि प्रहरीले जनाएको छ । मोटरसाइकल घाईतेको आफन्तसँग रहेको र बेलुका ७ बजेर ५० मिनेटमा मात्र जानकारी पाएको ट्राफिक प्रहरीले जनाएको छ ।
