_1704867435.jpeg)
सुनसरी: सुनसरी भोक्राहा नरसिंह गाँउपालिका ७ बाट हतियार लुकाई राखेको आरोपमा एक जना पक्राउ परेका छन् ।
पक्राउ पर्नेमा सोही स्थानका २३ बर्षीय टुमा सिंह यादब रहेका छन् । घरमा हतियार लुकाई राखेको यादखवले स्थानीय मानिसहरुलाई ज्यान मार्ने धाकधम्की समेत दिने गरेको थियो । विशेष सुराकको आधारमा जिल्ला प्रहरी कार्यालय सुनसरीबाट खटिएको प्रहरी टोलीले उनलाई बुधबार नियन्त्रणमा लिएको थियो।
उनको घर कम्पाउण्डमा खानतलासी गर्ने क्रममा शौचालयको सेफ्टी ट्याङकीको छेउमा कालो प्लाष्टिकको झोला भित्र लुकाई छिपाई राखेको अवस्थामा 7.657 Made in India लेखिएको पेस्तोल थान १ र २ राउण्ड गोली लोड गरिएको म्याग्जिन १ थान समेत बरामद गरिएको जिल्ला प्रहरी कार्यालय सुनसरीले जनाएको छ। पक्राउ परेका यादबमाथि हातहतियार खरखजना मुद्दामा कानुनी कारबाही अगाडी बढाईएको उक्त कार्यालयले जनाएको छ ।
