सुनसरी: लागुऔषधसहित सुनसरीबाट ५ जना पक्राउ परेका छन् ।

जिल्ला प्रहरी कार्यालय सुनसरीबाट खटिएको प्रहरी टोलीले डाइलक्स डिसिको ४७ बोतलसहित दुई भारतीय नागरिकहरुसहित पाँच जना पक्राउ गरेको हो । जिल्ला प्रहरी कार्यालयका अनुसार भारतका १९ बर्षीय महेश कुमार मेहेता र सुरेश कुमार गुप्ता तथा कोशी गाँउपालिका १ का मनिष यादवलाई सोमबार कोशी गाउँपालिका १ बाट पक्राउ गरेको हो ।

यसैगरी, ईनरुवा नगरपालिका ४ बाट लागुऔषध नाईट्रोसन ट्याब्लेटसहित २ जना पक्राउ परेका छन् । जिल्ला प्रहरी कार्यालय ईनरुवाबाट खटिएको प्रहरी टोलीले भोक्राहा नरसिंह गाउँपालिका १ का २८ बर्षीय नुनुलाल उराव र रामधुनी नगरपालिका ३ का २५ बर्षीय नफिल मियालाई ८ ट्याब्लेट नाईट्रोसनसहित पक्राउ गरेको हो । पक्राउ परेका पाँचै जनाको सम्बन्धमा थप अनुबसन्धान भईरहेको उक्त कार्यालयले जनाएको छ ।