खोटाङ: खोटाङको खोटेहाङ गाउँपालिका ६ बाट भरुवा बन्दुकसहित १ जना पक्राउ परेका छन् ।

आफ्नै घरमा रहेको भरुवा बन्दुक देखाई मानिसहरुलाई आतंकित बनाएको भन्ने सूचना पुगेपछि ४० बर्षीय भुपाल मोक्तान पक्राउ परेका हुन् । उनलाई प्रहरी चौकी सिम्पानीबाट खटिएको टोलीले १ थान भरुवा बन्दुकसहित घरबाट नै पक्रउ गरेको हो । पक्राउ परेका मोक्तानको सम्बन्धमा थप अनुसन्धान भईरहेको जिल्ला प्रहरी कार्यालय खोटाङले जनाएको छ ।