धरानः धरानकी उपमेयर सवार गाडी कोशी राजमार्गको धरान-विराटनगर सडक खण्डमा दुर्घटनामा परेको छ ।

आज दिउँसो करिब साढे १ बजे दुहबीमा दुर्घटना भएको हो । धरानबाट बिराटनगरतर्फ गईरहेको को १ ज ७४९८ को उपमहानगरपालिकाको गाडीलाई सोही दिसामा गइरहेको ट्रकले ठक्कर दिएको बताइएको छ । को १ ग ७८९१ नम्बरको ट्रकले उपमेयर भण्डारी सवार उपमहानगरको गाडीलाई ठक्कर दिएको हो । ट्रकको ठक्करले उपमहानगरपालिकाको गाडीको अगाडिको भाग कुच्चिएको छ । गाडीमा सवार सबै सकुशल छन् । उपमेयर भण्डारीले विराटनगरमा बैठकमा सहभागी हुन जादा ट्रकले ठक्कर दिएको र सकुशल नै रहेको बताइन् ।