धरान: लागुऔषधसहित धरानका एक युवा बराहक्षेत्र नगरपालिका ११ मुसरी टोलबाट पक्राउ परेका छन् ।

प्रहरी चौकी मधुवनबाट खटिएको प्रहरीको गस्ती टोलीले कोशीटप्पु जमुवा चोक हुदै धरान जादै गरेका धरान १३ सुम्निमा चोकका २३ बर्षीय सिचम्बर राईलाई लागुऔषधसहित पक्राउ गरेको हो । जिल्ला प्रहरी कार्यालय सुनसरीका अनुसार शंका लागेर राईलाई चेकजाँच गर्दा उनले बोकेको कालो प्लाष्टिकमा लुकाएको अवस्थामा लागुऔषध वरामद भएको थियो ।

उनको साथबाट डाइजेपाम १०० एम्पुल, लुपिजेसिक १०० एम्पुल र फेनारगन १०० एम्पुल वरामद भएको प्रहरीले जनाएको छ । राईलाई लागुऔषध नियन्त्रण ऐन २०३३ वमोजिम जिल्ला अदालतबाट म्याद लिएर आवश्यक अनुसन्धान भइरहेको जिल्ला प्रहरी कार्यालय सुनसरीले जनाएको छ ।