धरान: धरानमा थप ३३ जना कोरोना संक्रमित थपिएका छन् ।

एन्फा एकेडेमी क्वारेन्टिनस्थल र वीपी कोइराला स्वास्थ्य विज्ञान प्रतिष्ठानको हेल्प डेस्कमा हिजो लिएको स्वाब परीक्षणको क्रममा थप ३३ जनामा संक्रमण पुष्टि भएको हो । धरान उपमहानगरपालिकाका स्वास्थ्य महाशाखा प्रमुख उमेश मेहताका अनुसार हिजो राती नै ३३ जनाको रिपोर्ट आएको थियो । यो थप भएसँगै धरानमा कुल संक्रमितहरुको संख्या ३१०५ पुगेको पनि मेहताले बताए ।