धरान: धरानमा थप २७ जनामा कोरोना संक्रमण पुष्टि भएको छ ।

वीपी कोइराला स्वास्थ्य विज्ञान प्रतिष्ठानको हेल्प डेस्कमार्फत संकलन गरिएको स्वाबको पिसिआर परिक्षणमा धरानका २७ जनाको रिपोर्ट पोजेटिभ आएको हो । धरान उपमहानगरपालिकाका स्वास्थ्य महाशाखा प्रमुख उमेश मेहताका अनुसार यो रिपोर्ट हिजो राती नै आएको थियो । हिजो दिउँसो एन्फा क्वारेन्टिनस्थलमा ३५ जनाको स्वाब संलकन भएको थियो । ती स्वाबको रिपोर्ट भने आज मात्र आउने पनि मेहताले बताए ।