_1704867435.jpeg)
विराटनगर: प्रदेश १ मा कोरोना संक्रमणमुक्त हुनेको संख्या बढ्दै गएको छ ।
हिजो ३६४ जना संक्रमित थपिदा प्रदेश १ मा ६२८ जना कोरोना निको भएर डिस्चार्ज भएका थिए । आज पनि ३१५ जना संक्रमित थपिदा प्रदेश १ मा ५१६ जना डिस्चार्ज भएका छन् । सामाजिक विकास मन्त्रालयका अनुसार होम आईसोलेसनबाट ५१० जना डिस्चार्ज भएका छन् भने वीपी कोइराला स्वास्थ्य विज्ञान प्रतिष्ठान धरानबाट ४ जना र मेची अस्पतालबाट २ जना डिस्चार्ज भएका हुन् । हालसम्म डिस्चार्ज हुनेको संख्या १५ हजार ३१५ पुगेको छ ।
३१५ जना संक्रमित थपिए
प्रदेश १ मा आज ३१५ जना कोरोना संक्रमित थपिएका छन् । मोरंगमा १००, झापामा ८३, सुनसरीमा ७९, उदयपुरमा १४, धनकुटामा १३, भोजपुरमा ३, ओखलढुङ्गा, संखुवासभा, ते¥हथुम र खोटाङमा २–२, इलाम र पाँचथरमा १–१ र प्रदेश १ बाहिरका १३ जना रहेको सामाजिक विकास मन्त्रालयले जनाएको छ ।
प्रदेश १ मा कोरोना संक्रमितको संख्या २२ हजार ५१३ पुगेको छ । प्रदेश १ मा आज १ हजार १७९ जनाको पीसीआर परीक्षण गरिएको छ । परीक्षण गरिएका मध्ये १२४ महिला र १९१ महिलाको रिपोर्ट पोजेटिभ आएको हो । हालसम्म १ लाख ७३ हजार ६७४ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
