_1704867435.jpeg)
मोरङ: मोरङको लेटाङबाट जुवा खेलिरहेका ७ जना पक्राउ परेका छन् ।
लेटाङ नगरपालिका ९, जाँतेस्थित स्वेता मगरको घरमा जुवा खेलिरहेको अवस्थामा ईलाका प्रहरी कार्यालय लेटाङको टोलीले आज बिहान २ बजे उनीहरुलाई पक्राउ गरेको हो । जिल्ला प्रहरी कार्यालय मोरङका अनुसार पक्राउ पर्नेहरुमा लेटाङ ९ का ४५ बर्षीय ददिराम पौडेल, २५ बर्षीय निर्मल मगर, ३१ बर्षीय रञ्जित गजमेर, ५२ बर्षीय नरध्वज खड्का, ३२ बर्षीय चन्द्रबहादुर गौतम, ३९ बषीृय सिरि कुमार पुलामी मगर र तेह्रथुमका यमकुमार शेर्पा रहेका छन् । उनीहरुको साथबाट १ लाख ८८ हजार ७ सय ४५ रुपैया पनि वरामद भएको छ भने कौडा १ सेट र ६ बुक तास पनि भेटिएको प्रहरीले जानकारी दिएको छ । जुवा खेलिरहेका ७ जनालाई नियन्त्रणमा लिएर थप अनुसन्धान भइरहेको पनि मोरङ प्रहरीले जनाएको छ ।
