_1704867435.jpeg)
मोरङ : मोरङको उर्लाबारी ३ मा ट्रयाक्टरमा थे्रसर मेसिन लगाएर धान पराल दाउनी गर्ने क्रममा आगलागी भएको छ ।
आगलागीबाट करिब १५ लाख बराबर क्षति पुगेको प्रहरीले जनाएको छ । उर्लाबारी ३, चन्दने चोकका हरि गड्तौलाको अनटेष्ट ट्रयाक्टरमा थ्रेसर मेशिन लगाएर आठ कट्ठा खेतमा रहेको धान पराल हिजो दिउँसो दाउनी गर्ने क्रममा घटना भएको हो । दिउँसो करिब साढे १ बजे एक्कासी आगो उत्पन्न भएर ट्याक्टर र धान,परालसमेत जलेर नष्ट भएको प्रहरीले जानकारी दिएको छ ।
आगलागी भएपछि अस्थायी प्रहरी चौकी मंगलबारे, इलाका प्रहरी कार्याल्य उर्लाबारीको टोलीसँगै स्थानीयबासी, दमकलसमेतको सहयोगमा करिब २ बजे आगो पुर्णरुपमा नियन्त्रणमा आएको थियो । ट्याक्टर, थ्रेसर मेशिन र धानसमेत गरि अन्दाजी १५ लाख बराबर क्षति भएको प्रहरीले जनाएको छ ।
