_1704867435.jpeg)
सुनसरी: इटहरी उपमहानगरपालिका ९ स्थित एक घरमा तास खेलिरहेका ९ जना जुवाडेहरुलाई प्रहरीले पक्राउ गरेको छ ।
बिशेष सुचनाको आधरमा इटहरी ९ दक्षिण काली टोलका फुलबाबु साहको घरमा तासको खालबाट उनीहरु पक्राउ परेका हुन् । जिल्ला प्रहरी कार्यालय सुनसरीका अनुसार पक्राउ पर्नेहरुमा इटहरी ८ का ३८ बर्षीय राजकुमार साह, ३२ बर्षीय फुलबाबु साह, इटहरी ९ का ३८ बर्षीय अशोक गोस्वामी, इटहरी ४ का ४० बर्षीय सरोज चौधरी, ४८ बर्षीय विरेन्द्र साह रहेका छन् ।
यस्तै, इटहरी ६ का २७ बर्षीय राजकुमार साह, इटहरी ९ का ४६ बर्षीय सन्तोष राय, दिपनारायण साह र ७७ बर्षीय सैनी साह रहेका छन् । उनीहरुको साथबाट २ लाख ९६ हजार १ सय ६१ रुपैया नेपाली नगद र ५ हजार १ सय ४ रुपैया भारतीय नोटसहित कुल ३ लाख १ हजार २ सय ७५ रुपैया वरामद गरेको एसपी कमल थापाले जानकारी दिएका छन् । उनीहरुलाई जिल्ला प्रशासन कार्यालय सुनसरीबाट म्याद थप गरी आवश्यक अनुसन्धान भइरहेको पनि प्रहरीले जनाएको छ ।
