धरान: धरानमा आज बिहान र साँझ गरि २७ जना कोरोना संक्रमित थपिएका छन् ।

धरान उपमहानगरपालिकाका स्वास्थ्य महाशाखा प्रमुख उमेश मेहताका अनुसार बिहान १२ जनाको रिपोर्ट पोजेटिभ आएको थियो भने आज साँझ थप १५ जनाको रिपोर्ट पोजेटिभ आएको छ । योसँगै धरानमा संक्रमितहरुको कुल संख्या ३३७३ पुगेको पनि उनले बताए ।

एन्फा एकेडेमीमा हिजो संकलन गरेको स्वाबको आज बिहान रिपोर्ट आएको हो भने आज बिहान संकलन गरेको स्वाबको रिपोर्ट साँझ आएको हो । पोजेटिभ रिपोर्ट आएकाहरुमा एन्फाबाहेक वीपी प्रतिष्ठानको हेल्प डेस्कमा स्वाब लिएकाहरुको पनि भएको मेहताले बताए ।