धरान: प्रहरीले धरानका २ जना युवासहित ६ जनालाई ब्राउन सुगरसहित पक्राउ गरेको छ ।

हिजो शनिबार अपरान्ह ५ बजे ईलाका प्रहरी कार्यालय धरानको टोलीले धरान १० का ३१ बर्षीय बिकी श्रेष्ठलाई ब्राउन सुगरसहित पक्राउ गरेको हो । उनको साथबाट ८ ग्राम ५० मिलिग्राम ब्राउन सुगर पनि वरामद भएको प्रहरीले जनाएको छ । यस्तै, धरान ३ का २६ बर्षीय रिहान अन्सारीलाई पनि ३५ मिलिग्राम ब्राउनसुगर सहित प्रहरीले पक्राउ गरेको छ ।

यसैगरि, वडा प्रहरी कार्यालय भद्रपुरले शनिवार राती सवा ७ बजे ब्राउनसुगर सहित ४ जनालाई पक्राउ गरेको छ । भद्रपुर नगरपालिका ४ डाँगीवारीमा चेकजाँचमा खटिएको प्रहरी टोलीले भारतबाट नेपालतर्फ आउँदै गरेका ४ जनालाई पक्राउ गरेको हो । पक्राउ पर्नेहरुमा भद्रपुर ४ का १९ बर्षीय पुष्कर थापा, भद्रपुर ५ का २६ बर्षीय मदन बिक, हल्दिवारी गाउँपालिका १ का लोकेन्द्र गुराँगाई र भद्रपुर नगरपालिका ४ का २१ बर्षीय राजन माझी रहेका छन् । उनीहरुको साथबाट ७ ग्राम ब्राउनसुगर पनि वरामद भएको १ नम्बर प्रदेश प्रहरी कार्यालय विराटनगरले जनाएको छ । पक्राउ परेका ६ जनाको बारेमा थप अनुसन्धान भईरहेको प्रहरीले जनाएको छ ।