_1704867435.jpeg)
झापा: कुटपिटबाट गम्भीर घाइते भएका झापाको मेची नगर नगरपालिका ४ का ५० बर्षीय पुर्ण बहादुर प्रधानको उपचारको क्रममा मृत्यु भएको छ ।
घाइते प्रधानको मृत्यु भएपछि उनको हत्यामा संलग्न भएको आरोपमा प्रहरीले ३ जनालाई पक्राउ गरेको छ । पक्राउ पर्नेमा स्थानीय २५ बर्षीय दिवश लुङगेली मगर, ५५ बर्षीय प्रेम भनिने बेमा दोर्जी तामाङ र २८ बर्षीय बिशाल तामाङ रहेको प्रहरीले जनाएको छ । आईतवार राती सवा ८ बजे सामान्य विवाद भएको बिषयमा तीन जनाको समुहले प्रधानलाई निर्घात कुटपिट गरेका थिए । कुटपिटबाट घाइते भएका प्रधानको उपचारको क्रममा हिजो राती ९ बजे मृत्यु भएको थियो । उनको मृत्यु पछि ईलाका प्रहरी कार्यालय काकडभिट्टाको टोलीले घटनामा संलग्न रहेका ३ जनालाई नै पक्राउ गरेर थप अनुसन्धान भईरहेको उक्त कार्यायले जनाएको छ ।
