झापा: झापाको सिवसताक्षी ८ स्थित राजमार्गमा मोटरसाईकलको ठक्करबाट पैदल यात्रीको मृत्यु भएको छ ।

मृत्यु हुनेमा शिवसताक्षी ११ का ३२ बर्षीय रमेश बिष्ट रहेका छन् । शनिवार राती सवा ९ बजे को २ प ६९७० नम्बरको मोटरसाईकलले पैदल हिडिरहेका बिष्टलाई ठक्कर दिदा उनी गम्भिर घाईते भएका थिए । गम्भिर घाईते भएका बिष्टको बिएण्डसी अस्पताल बिर्तामोडमा उपचारको क्रममा राती पौने १० बजे मृत्यु भएको जिल्ला प्रहरी कार्यालय झापाले जनाएको छ । ठक्कर दिने मोटरसाईकल र चालक शिवसताक्षी ७ का सन्तोष बेगा नियन्त्रणमा रहेको उक्त कार्यालयले जनाएको छ ।