_1704867435.jpeg)
सुनसरी: सुनसरीको रामधुनी ७ का कोरोना संक्रमित एक वृद्धको मृत्यु भएको छ ।
विराटनगरको नोबेल शिक्षण अस्पतालमा उपचारको क्रममा ६३ बर्षीय संक्रमितको मृत्यु भएको रामधुनीका मेयर जयप्रकाश चौधरीले जानकारी दिए । उनका अनुसार आज बिहान ५ बजे संक्रमितको मृत्यु भएको जानकारी आएको थियो । मृतकको शवलाई नेपाली सेनाको टोलीले रामधुनी जंगलमा अन्त्येष्टी गरिरहेको पनि उनले बताए । उनको पिसिआर रिपोर्ट पोजेटिभ आएपछि उपचारको लागि मंसिर २३ गते अस्पतालमा भर्ना गरिएको थियो ।
होम आइसोलेसन र अस्पतालमा थप २ को मृत्यु
मोरङको उर्लाबारी १ का ८४ वर्षीय व्यक्तिको पनि गए राती होम आइसोलेसनमा मृत्यु भएको छ । अस्पतालमा उपचारको क्रममा संक्रमण पुष्टि भएपछि उनलाई होम आइसोलेसनमा नै राख्ने भनेर परिवारले घर लगेका थिए । मृतकको गए राती करिब ९ बजेतिर मृत्यु भएको बताइएको छ । उनलाई मंसिर २२ गते संक्रमण पुष्टि भएको थियो ।
यसैगरि, झापाको दमक नगरपालिका १० का ६९ वर्षीय कोरोना संक्रमितको पनि कोशी अस्पताल कोभिड–१९ उपचार केन्द्रमा गए राती मृत्यु भएको छ । उनलाई अस्पताल भर्ना गरिएको करिब ५० मिनेट भित्र नै मृत्यु भएको अस्पतालले जनाएको छ । मृतकलाई मधुमेह, उच्च रक्तपाच लगायत समस्या रहेको थियो ।
