बिराटनगर: उदयपुर, मोरङ र पाँचथरको तीन स्थानमा भएको सवारी दुर्घटनामा परी ३ जनाको मृत्यु भएको छ ।

आईतवार दिउँसो साँढे २ बजेको समयमा उदयपुरको चौदण्डीगढी नगरपालिका ६ मा पुर्बबाट पश्चिम तर्फ जादै गरेको प्रदेश १-०५-००१ प १८५० नम्बरको मोटरसाईकल र पश्चिमबाट पुर्ब तर्फ आउदै गरेको स.६ प. ९१०१ नम्बरको मोटरसाईकल एक आपसमा ठोक्किदा एक जनाको मृत्यु भएको थियो । प्रहरीका अनुसार ९१०१ नम्बरको मोटरसाईकल चालक तुवाचुङ नगरपालिका खोटाङ घर भई उदयपुरको गाईघाटमा बस्ने २० बर्षीय भविन्द्र परियार घाईते भएका थिए । घाईतेलाई उपचारको लागी बिपी कोईराला स्वास्थ्य बिज्ञान प्रतिष्ठान घोपा पठाईएको थियो । उनको उपचारको क्रममा साँझ साँढे ५ बजे मृत्यु ईलाका प्रहरी कार्यालय बेल्टारले जनाएको छ ।

यसैगरी बिराटनगर महानगरपालिका(४ ईकराहीमा खेत जोतिरहेको अन टेष्ट ट्याक्टर अचानक पल्टदा चालक बर्जु गाउँपालिका ६ चिमडीका ५५ बर्षीय आशाराम चौधरी घाईते भएका थिए । उनको कोशी अस्पताल बिराटनगरमा उपचारको क्रममा राती पौने ११ बजे मृत्यु भएको जिल्ला प्रहरी कार्यालय मोरङले जनाएको छ । यस्तै आज बिहान साँढे ९ बजे पाँचथरको फिदिम नगरपालिका १ बतासे खोल्सीमा मे १ त ४१८५ नम्बरको ट्याक्टर अनियन्त्रीत भई दुर्घटना हुँदा चालक सुनसरीको झुम्काका २६ बर्षीय सन्तोष लम्जेल घाईते भएका थिए । उनलाई उपचारको लागी जिल्ला अस्पताल पाँचथर पठाईएको थियो । उनको उपचारको क्रममा बिहान सवा १० बजे मृत्यु भएको जिल्ला प्रहरी कार्यालय पाँचथरले जनाएको छ ।