सुनसरी: सुनसरीको दुहवी नगरपालिका ९ मुसहरी टोलबाट गाँजासहित मंगलवार दिउँसो १ जना पक्राउ परेका छन् ।

पक्राउ पर्नेमा स्थानीय ५८ बर्षीय पुष्षलाल ऋषिदेव रहेका छन् । ऋषिदेवले आफ्नै घरमा गाँजा राखेर बेचबिखन गर्ने गरेको सूचनाका आधारमा ईलाका प्रहरी कार्यालय दुहबीबाट खटिएको प्रहरी टोलीले १ केजी गाँजा सहित ऋषिदेवलाई पक्राउ गरेको हो । पक्राउ परेका ऋषिदेवको सम्बन्धमा थप अनुसन्धान भईरहेको उक्त कार्यालयले जनाएको छ ।

यसैगरि, मोरङको बिराटनगर महानगरपालिका १६ हुलास चोकबाट लागुऔषध ट्याब्लेटसहित २ जना पक्राउ परेका छन् । लागुऔषध नियन्त्रण ब्युरो बिराटनगरबाट खटिएको प्रहरी टोलीले शंकास्पद अवस्थामा पैदल हिडिरहेका केरावारी गाउँपालिका १० का २४ बर्षीय रबिन बिक र लेटाङ नगरपालिका ३ का २५ बर्षय रितेश परियारलाई पक्राउ गरेको हो । उनीहरुको साथबाट लागुऔषध नाईट्राभेट ट्याब्लेट २० चक्की र डाईजेल्याब २८ एम्पुल बरामद भएको थियो । लागुऔषधसहित पक्राउ परेका उनीहरुबारे थप अनुसन्धान भईरहेको ईलाका प्रहरी कार्यालय रानीले जनाएको छ ।