_1704867435.jpeg)
विराटनगर: प्रदेश नं १ मा पछिल्लो २४ घण्टामा ५१५ जना कोरोना संक्रमित निको भएर डिस्चार्ज भएका छन् ।
डिस्चार्ज हुनेहरुमा होमआईसोलेसनबाट ५०१ जना छन् भने मेची अस्पतालबाट ५ जना छन् । यस्तै, कोशी अस्पताल कोभिड १९ उपचार केन्द्रबाट ४ जना, विराट मेडिकल कलेजबाट ३ जना र वीपी कोइराला स्वास्थ्य विज्ञान प्रतिष्ठान र न्युरो अस्पतालबाट १–१ जना डिस्चार्ज भएका छन् । हालसम्म डिस्चार्ज हुनेको संख्या २६ हजार २९६ पुगेको छ ।
यस्तै, प्रदेश १ मा आज ५० जना कोरोना संक्रमित थपिएका छन् । मोरंगमा १७, सुनसरीमा १४, झापामा १२, इलाम, पाँचथर र ओखलढुङ्गामा १–१ र प्रदेश १ बाहिरका ४ जना रहेको सामाजिक विकास मन्त्रालयले जनाएको छ । मोरंगको विराटनगरमा १३, सुन्दरहरैचा, मिक्लाजुङ, बेलबारी र लेटाङमा १–१ जना छन् ।
सुनसरीको धरानमा ९, इटहरीमा ३, बराहक्षेत्र र कोशी गाउँपालिकामा १–१ जना छन् भने झापाको दमकमा ११ र भद्रपुरमा १, इलामको चुलाचुली, पाँचथरको याङवरक, ओखलढुङ्गाको चिशंखुगढीमा १–१ र प्रदेश १ बाहिरका ४ जनामा संक्रमण देखिएको सामाजिक विकास मन्त्रालयले जनाएको छ । प्रदेश १ मा कोरोना संक्रमितको संख्या २९ हजार ५७४ पुगेको छ । प्रदेश १ मा आज ३९० जनाको पीसीआर परीक्षण गरिएको छ । परीक्षण गरिएका मध्ये २१ महिला र २९ पुरुषको रिपोर्ट पोजेटिभ आएको हो । हालसम्म २ लाख ६ हजार ४१४ जनाको पीसीआर परीक्षण गरिएको मन्त्रालयले जनाएको छ ।
