झापा: झापाको शिवसताक्षी नगरपालिका १० मा आज राती १ बजे भएको सवारी दुर्घटनामा १ जनाको मृत्यु भएको छ ।

पश्चिमबाट पुर्वतर्फ जाँदै गरेको ग १ ख ६४३७ नम्बरको ट्रकले शौचालय गएर फर्कदै गरेका पिकअप चालकलाई ठक्कर दिएको थियो । ट्रकको ठक्करबाट को २ च १५८२ नम्बरको पिकअपका चालक केरावारी गाउँपालिका ८ मोरङका ४६ बर्षीय भोजराज आचार्य गम्भीर घाइते भएका थिए । उनको बिर्तामोडको बि एण्ड सी अस्पतालमा उपचारको क्रममा आज बिहान पौने १० बजे मृत्यु भएको ईलाका प्रहरी कार्यालय झिलझिलेले जनाएको छ। ठक्कर दिने ट्रक र चालकलाई ईलाका प्रहरी कार्यालय सुरुङगाले नियन्त्रणमा लिई अथप अनुसन्धान भईरहेको उक्त कार्यालयले जनाएको छ ।