_1704867435.jpeg)
बिराटनगर: खोटाङ र मोरङका दुई छुट्टाछुट्टै स्थानमा आज बिहान भएको सवारी दुर्घटनामा परी २ जनाको मृत्यु भएको छ ।
मोरङको कटहरी गाउँपालिका ३ मा तेलको ट्याङकरको ठक्करबाट मोटरसाईकल चालकको मृत्यु भएको छ । आज बिहान सवा ९ बजे पूर्वबाट पश्चिमतर्फ जाँदै गरेको प्रदेश १-०२-०४२ प ९५५९ नम्बरको मोटरसाईकललाई सोही दिशामा जादै गरेको ना ५ ख ८४३४ नम्बरको तेल बोक्ने ट्याङकरले पछाडीबाट ठक्कर दिएको थियो । ठक्करबाट घाईते भएका मोटरसाईकल चालक २१ बर्षीय रोहित साहलाई उपचारको लागी कोशी अस्पताल लगिएको थियो । उनको उपचारको क्रममा मृत्यु भएको जिल्ला प्रहरी कार्यालय मोरङले जनाएको छ ।
यसैगरी, खोटाङको रावाबेशी गाउँपालिका १ डुम्रेपानीमा बिहान साँढे ३ बजे को ७ त ४७२७ नम्बरको ट्याक्टर दुर्घटना भएको थियो । उक्त दुर्घटनामा ट्याक्टरका सह(चालक स्थानीय २६ बर्षीय राजन नेपालीको मृत्यु भएको हो । पार्किङ गरेर राखेको ट्याक्टरलाई सह(चालकले चलाएर लैजाने क्रममा सडकबाट करिब ५० मिटर तल खसेको थियो । घाईते भएका सह(चालकलाई स्थानीय मेडिलकमा उपचार गरी थप उपचारको लागि सुबिधा सम्पन्न अस्पतालमा लैजाने क्रममा बिहान साँढे ७ बजे मृत्यु भएको जिल्ला प्रहरी कार्यालय खोटाङले जनाएको छ ।
