_1704867435.jpeg)
विराटनगर: पछिल्लो २४ घण्टामा प्रदेश १ मा १०३ जना डिस्चार्ज भएका छन् ।
डिस्चार्ज भएकाहरु सवै होमआईसोलेसनका रहेका छन् । हालसम्म डिस्चार्ज हुनेको संख्या २८ हजार ८४२ पुगेको छ । यसैगरि, प्रदेश १ मा सोही अवधिमा २८ जना कोरोना संक्रमित थपिएका छन् । थप भएका संक्रमितहरुमा मोरंग र सुनसरीमा ८–८ जना छन् भने झापामा ५, संखुवासभामा २, धनकुटा, उदयपुर र पाँचथरमा १–१ र प्रदेश १ बाहिरका २ जना रहेको सामाजिक विकास मन्त्रालयले जनाएको छ ।
मोरंगको विराटनगरमा ५, बेलबारी, बुढीगंगा र सुन्दरहरैचामा १–१, सुनसरीको धरान र इटहरीमा ३–३, इनरुवा र दुहवीमा १–१, झापाको शिवसताक्षी र कनकाईमा २–२ र विर्तामोडमा १, संखुवासभाको खाँदबारी र स्थानीय तह नखुलेका १–१ जना छन् । यस्तै, धनकुटाको महालक्ष्मी, उदयपुरको त्रियुगा र पाँचथरको हिलिहाङमा १–१ र प्रदेश १ बाहिरका २ जनामा संक्रमण देखिएको मन्त्रालयले जनाएको छ । प्रदेश १ मा कोरोना संक्रमितको संख्या २९ हजार ९१३ पुगेको छ ।
प्रदेश १ मा आज ३८२ जनाको पीसीआर परीक्षण गरिएको छ । परीक्षण गरिएका मध्ये ८ महिला र २० पुरुषको रिपोर्ट पोजेटिभ आएको हो । हालसम्म २ लाख १० हजार ३३१ ज्नाको पीसीआर परीक्षण गरिएको सामाजिक विकास मन्त्रालयले जनाएको छ ।
