_1704867435.jpeg)
धरान: सडकमा हिडिरहेका दुई जना यातायात मजदुरमाथि धरानमा शुक्रबार राती आक्रमण भएको छ । आक्रमणबाट एक जना सामान्य घाइते छन् ।
कोशी राजमार्ग अन्तर्गत धरान ८ यामाहा शो रुम अघि सडकमा राती करिब पौने १० बजे घटना भएको हो । पसलबाट तरकारी लिएर कोठातर्फ गइरहेका चालक राजु विश्वकर्मा र सारांश पोखरेललाई अपरिचित दुई युवाले हतियारले आक्रमण गरेको हो । उनीहरुको साथमा रहेका विजय श्रेष्ठलाई पनि आक्रमण भएको थियो । आक्रमण गर्ने ती युवा को हुन् भन्ने पहिचान खुलेको छैन । आक्रमण गर्नुको कारण पनि थाह नभएको दुवै चालकले बताए ।
घाइते पोखरेलले टाउकोमा चोट छ । हतियारले आक्रमण गरेको भएपनि रड, खुकुरी वा कट्टी के थियो भन्ने प्रष्ट नदेखिएको उनले बताए । अर्का चालक विकलाई पनि ढाड पछाडि हतियारले प्रहार गरेपनि बाक्लो लेदरको ज्याकेट भएकोले शरीरमा चोट नलागेको उनले बताए । तर, उनको ज्याकेट भने काटिएको छ । घटनाबारे जानकारी पाएपछि प्रहरी टोली घटनास्थल पुगेर अनुसन्धान शुरु गरेको जनाएको छ । प्रहरीले घाइतेहरुलाई भेटेर आक्रमणकारीको हुलियाबारे जानकारी लिएर खोजी कार्य शुरु गरेको ईलाका प्रहरी कार्यालयले जनाएको छ ।
भिडियो:
