_1704867435.jpeg)
धरान: साथीको घर जान्छु भनेर हिडेकी धरान ८ की २० बर्षिय कविता श्रेष्ठ बेपत्ता भएकी छिन् ।
उनी फागुन ४ गते दिउँसोदेखि हराइरहेकी परिवारले जनाएको छ । हालसम्म घर नर्फकिए पछि खोजी गरिदिन कविताको परिवारले आग्रह गरेको छ । परिवारसँग सम्पर्कविहिन श्रेष्ठ धरान ८ कै शहिद स्मृति माविमा कक्षा ९ मा अध्ययनरत थिइन् । विद्यालयका प्रअ राम बिष्टका अनुसार सरस्वती पुजाको दिन विद्यालय आएकी थिइन् । त्यसपछि उनी विद्यालयमा देखा नपरेको प्रअ विष्टको भनाई छ ।
कविताको ठुलीआमा मैया श्रेष्ठका अनुसार साथीको घरजान्छु भनेर घरबाट निस्किएकी थिइन् । भोलीपल्ट सम्म घर नआएपछि प्रहरीमा निवेदन पनि दिइसकेको उनको भनाइ छ । तर, हालसम्म पनि कविताको अवस्था पत्ता नलागेको कारण परिवारजन निक्कै पीडामा छन् । परिवारजनले कविताका साथीहरुलाई पनि अनुसन्धानको दायरामा ल्याएर खोजी गर्न प्रहरीलाई आग्रह पनि गरेको छ । इलाका प्रहरी कार्यालय धरानका डिएसपी ज्ञानेन्द्र बस्नेतले वेपत्ता भएकी कविताको खोजीको लागि प्रहरी परिचालन भइसकेको जानकारी दिए । साथै, उनले सबै प्रहरी कार्यालयमा समेत कविताको खोजी गर्न पत्राचार गरिएको बताए ।
