_1704867435.jpeg)
धरान: धरानमा खुकुरी प्रहार गरेर एक व्यक्तिले श्रीमतिको विभत्स हत्या गरेका छन् ।
धरान ८ दुर्गापथमा आज दिउँसो तिलबहादुर माझीले आफ्नै श्रीमतिको हत्या गरेका हुन् । दिउँसो करिब साढे ४ बजेतिर श्रीमति सम्झना माझीको हत्या गरेको जानकारी पाएको वडा नं ८ की सदस्य लिला गुरुङले बताइन् । हत्याको कारण भने खुल्न सकेको छैन । उनका अनुसार प्रहरीले मृतकको लाश उठाएर लगिसकेको छ भने घटनास्थलमा प्रहरी टोली आइपुगेको छ ।
श्रीमतिको हत्या गर्ने तिलबहादुरलाई प्रहरीले नियन्त्रणमा लिइसकेको जनाएको छ । ईलाका प्रहरी कार्यालय धरानका प्रहरी निरीक्षक हेमराज ओलीले श्रीमान्ले हत्या गरेको भन्ने जानकारी पाएपछि प्रहरी टोली घटनास्थलमा पुगेको बताए । उनले भने,‘के भएको हो भनेर बुझ्ने काम भइरहेको छ, हत्या भएको भन्ने जानकारी आएको हो,’उनले भने,‘विस्तृत जानकारी आउन बाँकी छ ।’
