_1704867435.jpeg)
विराटनगर: प्रदेश १ मा आज २१ जना कोरोना संक्रमित थपिएका छन् ।
थप भएका संक्रमितहरुमा मोरंगमा १०, झापामा ६, सुनसरीमा ४ र प्रदेश १ बाहिरका १ जना रहेको सामाजिक विकास मन्त्रालयले जनाएको छ । मन्त्रालयका अनुसार मोरंगको विराटनगरमा ६ जना, पथरीशनिश्चरे, सुन्दरहरैचा, केराबारी र स्थानीय तह नखुलेका १–१ जना छन् भने झापाको दमकमा ४, विर्तामोड र भद्रपुरमा १–१, सुनसरीको धरानमा २, इटहरी र दुहवीमा १–१ र प्रदेश १ बाहिरका १ जनामा संक्रमण देखिएको छ ।
प्रदेश १ मा आज सम्म ३० हजार ४३८ जनामा संक्रमण देखिएको छ । प्रदेश १ मा आज १९५ जनाको पीसीआर परीक्षण गर्दा ७ महिला र १४ पुरुषको रिपोर्ट पोजेटिभ आएको हो । हालसम्म २ लाख ३२ हजार ९५३ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
