धरान: धरानमा एक महिलालाई जर्बजस्ती करणी गरेको आरोपमा एक व्यक्ति पक्राउ परेका छन् । 

पक्राउ पर्नेमा धरान ११ आँपगाछी चोकका ३५ बर्षीय बलबहादुर थापा रहेका छन् । उनले ५६ वर्षीया महिलालाई जबरजस्ती करणी गरेको अभियोगमा पक्राउ गरिएको प्रहरीको भनाई छ । थापाले ती महिलालाई घरमा सुतिरहेको अवस्थामा जर्बजस्ती करणी गरेको जानकारी पाएपछि हिजो मंगलबार पक्राउ गरेको हो ।

घटनाबारे बुझ्दा ईलाका प्रहरी कार्यालय धरानका प्रहरी निरीक्षक हेमराज ओलीले आज जिल्ला अदालतबाट म्याद थप गरेपछि घटना र आरोपीबारे सार्वजनिक गरिने बताए । 'हामीले अदालतबाट म्याद थप गरेपछि मात्र जानकारी दिन्छौं, ' उनले भने ।