_1704867435.jpeg)
धरान: पुर्वपश्चिम राजमार्गस्थित सुनसरीको कोशी गाउँपालिका ८ मा हायसले विपरीत दिशाबाट आइरहेको मोटरसाइकल र भ्याजिक भेनलाई ठक्कर दिदा तीन जनाको मृत्यु भएको छ ।
जिल्ला प्रहरी कार्यालय सुनसरीका प्रवक्ता एवं डिएसपी नरेन्द्र कार्कीका अनुसार मृत्यु हुनेमा मोटरसाइकल चालक सप्तरी डाक्नेश्वरी ५ का २८ बर्षीय उदय साह छन् भने पछाडि सवार बिराटनगर ९ का राम प्रसाद शाह साह रहेका छन् । यस्तै, मृत्यु हुनेमा म्याजिक चालक विराटनगरका अक्षयकुमार गुप्ता रहेको पनि डिएसपी कार्कीले जानकारी दिए । तीनै जनाको उपचारको क्रममा इनरुवा अस्पतालमा मृत्यु भएको हो ।
डिएसपी कार्कीका अनुसार पुर्वबाट पश्चिमतर्फ गइरहेको बा ३ ख ७२४४ नम्बरको हाइसले ओभरटेक गर्नेक्रममा पश्चिमबाट पुर्वतर्फ आइरहेको स १ छ ४६६१ नम्बरको मोटरसाइकल र बा ३ ख ९३६८ नम्बरको म्याजिकलाई ठक्कर दिएको थियो । इटहरीस्थित प्रदेश ट्राफिक प्रहरी कार्यालयका अनुसार हायसले शुरुमा मोटरसाइकललाई ठक्कर दिएको थियो । मोटरसाइकल उछिट्टीएर सडकबाट तल झरेको थियो ।
त्यसपछि हायसले पुनः पश्चिमबाट पुर्वतर्फ आइरहेको म्याजिक भेनलाई पनि ठक्कर दिएको थियो । दुर्घटनामा हायस चालक नुवाकोट विदुर नगरपालिकाका ३५ बर्षीय विकास तामांग सामान्य घाइते छन् भने सहचालक नारायण बस्यालको खुट्टा भाच्चिएको पनि सुनसरी प्रहरी प्रवक्ता डिएसपी कार्कीले जानकारी दिए । दुवैको हस्पिटलमा उपचार भइरहेको छ ।
