_1704867435.jpeg)
झापा: झापाको दमक नगरपालिका ४ मा पर्ने पुर्व पश्चिम राजमार्गमा ट्रकको ठक्करबाट मोटरसाईकलमा सवार एक दम्पत्तिको मृत्यु भएको छ ।
मृत्यु हुनेमा मोटरसाईकल चालक रहेका झापाको कन्काई ३ का ४३ बर्षीय पुर्ण बहादुर बिष्ट र पछाडी सवार उनकै श्रीमती ३६ बर्षीया भिमा बिष्ट रहेका छन् । दुवैको हिजो राती सवा १० बजे पश्चिमतर्फ आउदै गरेको ना ४ ख ८७३० नम्बरको ट्रकले ठक्कर दिदा मृत्यु भएको हो । उनीहरु प्रदेश २-०३-०१३ प ४७८७ नम्बरको मोटरसाईकलमा ट्रकको विपरीत दिशाबाट आईरहेका थिए । ट्रकको ठक्करबाट गम्भिर घाईते भएका दम्पत्तिलाई उपचारको लागी दमकस्थित लाईफ लाईन अस्पतालमा लगिएको थियो । अस्पतालमा पुर्याउन साथ दुवैको मृत्यु भएको प्रहरीले जनाएको छ ।
दुर्घटना पश्चात ट्रक भने भागेको थियो । उक्त फरार भएको ट्रक र ट्रक चालक मोरङ विराटनगर ४ का ४८ बर्षीय सुजन थापालाई अस्थाई प्रहरी पोष्ट ताराबारीले नियन्त्रणमा लिएको थियो । नियन्त्रणमा लिएको ट्रक र चालकलाई ईलाका प्रहरी कार्यालय दमकमा ल्याई थप अनुसन्धान भईरहेको झापा प्रहरीले जनाएको छ ।
