_1704867435.jpeg)
खोटाङ: खोटाङ दिक्तेल रुपाकोट मझुवागढी नगरपालिका ३ कांडेमा आफ्नै दाजुको हत्या गर्ने एक भाईसहित दुई जना पक्राउ परेका छन् ।
प्रहरीका अनुसार स्थानीय ३३ बर्षीय गिरीराज थापाको हत्या भएको थियो । उनको हत्यामा संलग्न रहेका उनकै भाई २२ बर्षीय नारायण थापा पक्राउ परेका छन् । अर्का पक्राउ परेका १५ बर्षीय रुपन थापा मृतकको भतिज हुन् । भदौ ९ गते दिउँसो ११ बजे घरबाट हिडेका गिरीराज घर फर्किएर नआएपछि खोजतलास शुरु भएको थियो । उनको शव हिजो १० गते राती पौने २ बजे घरदेखी करिब २०० मिटर बारीमा मृत अबस्थामा फेला परेका थिए ।
घटनाको जानकारी पाएपछि जिल्ला प्रहरी कार्यालय खोटाङबाट प्रहरी टोली खटिएको थियो । घटनाको प्रकृती हेर्दा हत्या गरेको हुन सक्ने आशंकमा गरि गहनरुपमा अनुसन्धान थालेको थियो । घटनाको प्रकृती, स्थानियबासीसँगको सोधपुछ तथा अनुसन्धानबाट प्रहरीले हिजो नै मृतकका भाई नारायण र भतिजा रुपनलाई पक्राउ गरेको हो । पक्राउ परेका उनीहरुले घरयासी विवादको कारण भैसी बाँध्ने प्लाष्टिकको डोरीले घाँटीमा कसेर हत्या गरेको प्रारम्भिक अनुसन्धानमा खुलेको थियो । प्रहरीले फक्राउ परेका दुवैलाई कर्तब्य ज्यान मुद्दामा कानुनी कारबाही अगाडि बढाई घटनाको बारेमा थप अनुसन्धान भईरहेको प्रहरीले जनाएको छ।
