_1704867435.jpeg)
धरान: संखुवासभामा एकै परिवारको ६ जनाको हत्या भएको छ ।
मादी नगरपालिका १, उम्लिङको खोलागाउँमा एकै परिवारका ६ जनाको हत्या भएको हो । आइतबार राती धारिलो हतियारले एकै परिवारका ६ जनाको हत्या गरेको जिल्ला प्रहरी कार्यालयका प्रमुख डीएसपी लालध्वज सुवेदी मिडियालाई जानकारी दिएका छन् । घटना भएको घरमा घरमुली ८० वर्षीय बौद्धमान कार्की मात्र जीवित रहेको बताइएको छ ।
वडाध्यक्ष खेमनाथ कटुवालका अनुसार बौद्धमानका ८४ वर्षीया श्रीमती पार्वता, ५२ वर्षीय छोरा तेजकुमार, ५० वर्षीया बुहारी कमला, २५ वर्षीया नातिनी बुहारी रञ्जना, पनाति ९ वर्षीय दिपेन कार्की र पनातिनी ७ वर्षीया गोमा मृत फेला परेका छन् । उनले पनि घटना प्रकृति हेर्दा हत्या भएको आशंका व्यक्त गरेका छन् । तेजकुमारको शव घरनजिकै सडकमा भेटिएको छ भने कमला र रञ्जनाको शव भने घरछेउको खोलामा छ । सानो नानीहरूको शव घरमाथि खरबारीमा छ । पार्वताको शव चाहिँ घरभित्रै छ । घटनास्थलमा मकैबारी माडिएको, चुरा फुटेकोले हत्या भएको अनुमान छ ।
